مساء مستقر للاستخدامات ال ٧ للمضارع المستمر 

1️⃣ Actions happening at the time of speaking.

شيء بيحصل دلوقت 

👉 It’s raining right now.

الدنيا بتمطر دلوقتي (معناه أنها بدأت تمطر من شوية و لسا بتمطر دلوقتي و ممكن تكمل كمان شوية ف المستقبل)

2️⃣ Taking place slowly over time (gradually).

حاجة بتاخد وقت طويل علشان تحصل و بتحصل بشكل تدريجي بطئ 

👉 The universe is expanding slowly over time.

الكون يتسع ببطء عبر الزمن

3️⃣ Temporary actions and situations.

مواقف و أحداث مؤقتة ، يعني حاجات بتحصل لفترة معينة من الزمن 🤏

لما تكون من المنصورة مثلاً و شغلك يتطلب أنك تعيش في القاهرة لفترة .. هتقول:

👉 I’m living in Cairo.

الجملة دي في المضارع المستمر لأنها شيء مؤقت ، أنا عايش هنا سنة أو اتنين مش بشكل دائم ، لأنك أصلاً من المنصورة و هترجع تعيش هناك تاني

4️⃣ Actions that annoy the speaker.

🔸 لما نستخدم always مع المضارع المستمر ، نقدر نعبر عن حاجات بتضايقنا 😡

(ع فكرة always تستخدم مع أزمنة كتير مش مضارع بسيط بس زي ما قالوا في المدرسة 😵)

👉 Ahmed is always working.

مرات أحمد متضايقة و بتقول أنه علطول بيشتغل 🤬

هو بقي بيرد و يقول :

👉 She is always using my computer.

هو متضايق أنها دايماً بتستخدم الكمبيوتر بتاعه

5️⃣ ِActions and events in the future.

🔸استخدام المضارع المستمر للتعبير عن المستقبل قوي جداً ، يعني مثلاً أنا رتبت فرحي خلاص و حددت الميعاد و حجزت القاعة و كله تمام 

👉 I'm getting married next month.

خلاص هتجوز الشهر الجاي

6️⃣ Emphasis on the importance of the situation.

🔸التركيز أو التأكيد علي أهمية موقف معين

👉 Uber is coming in five minutes!

بلفت انتباهك إن أوبر جاي خلاص!

7️⃣ Actions and events happening in the future (calling attention to new information)

🔸عايز ألفت نظرك لتعديلات على حاجات هتحصل ف المستقبل

مثلاً في المطار رحلة مصر للطيران رقم ١٢٣ دايماً بتكون من بوابة 22، فهنستخدم المضارع البسيط :

👉 EgyptAir flight #123 departs from gate 22.

 لكن لو حصل تغيير في البوابة و عايز أنبه المسافرين ف المايك، هستخدم المضارع المستمر:

👉 EgyptAir flight #123 is departing from gate 21.

بس كدا 👌